Емилија Кларк, која неодамна беше прогласена за најпосакувана жена за 2014 година, ги краси кориците на „Glamour Paris“ и „Flare“.
26-годишната ѕвезда од серијата „Game of Thrones“ за француското списание позираше пред објективот на модниот фотограф Џејсон Ким во креации на брендови како Баленсијага и Џамбатиста Вали.
На насловната страница на модното списание „Flare“, привлечната актерка носи пастелно розова креација од Burberry Prorsum.
Во интервјуто за списанието, Кларк зборувала за изгледот на ѕвездите на фотографиите од црвениот тепих. „Нема опис на фотографиите од црвениот тепих кој вели: Оваа девојка тренираше две седмици, беше на течна диета, има професионален фризер и шминкер и овој фустан беше направен за неа“ – рекла таа.
Во слободното време, кога не е зафатена со снимањето на серијата „Game of Thrones“, Кларк вели дека обожава да чита. „Кога не сум на снимање, читам. Мојот татко секогаш велеше: никогаш не му верувај на човек чиј телевизор е поголем од неговата полица за книги“ – изјавила таа во интервју за „In Style“.
Првата епизода од четвртата сезона на „Game of Thrones“ ќе биде емитувана на 4 април.