Емилија Кларк е модна хероина за „Harper’s Bazaar“. 28-годишната ѕвезда од „Game of Thrones“ сними фотосесија за новото издание на списанието, во која ја покажува својата борбена страна.
За едиторијалот, привлечната Англичанка позираше во креации од модни куќи како Александар МекКвин, Блумарин, Проенза Скулер, Александар Ванг, Валентино и Луј Витон.
Норман Џин Рој стои зад креативните фотографии, а стилскиот избор бил ставен во рацете на Наташа Ројт.
Во интервјуто за списанието, Кларк признала дека била скептична за соработката со Арнолд Шварценегер за филмот „Terminator Genisys“, но додала дека тој на крајот се покажал како љубезен човек. „Беше многу забавен. Јас очекував дека ќе се појави едно огромно его, но тој е шармантен, мил и љубезен човек. Навистина беше возбуден за снимањето на сцените“ – рекла таа.
Кларк изјавила и дека популарната серија „Game of Thrones“ ѝ отворила врати кон многу нови можности.
