Необична егзотична градина никна во Милано. Наместо цвеќиња, посетителите на градината имаа можност да ги видат новите обувки и чанти на Џими Чу.
Модниот бренд ја презентираше колекцијата пролет/лето 2014 во рамките на Миланската недела на модата и веднаш стана јасно дека инспирацијата за неа извира од мајката природа. „Црпев инспирација од инсектите, независно дали тоа е бумбар или пеперутка, како и од шарите и комплексноста на растенијата и лисјата“ – изјавила Сандра Чои, креативен директор во Џими Чу.
Елегантната колекција е наменета за гламурозните жени кои избегнуваат монотони модни додатоци.
