Џенифер Лопез се врати дома со стил. 44-годишната пејачка го одржа својот прв концерт во родниот Бронкс.
За бесплатното шоу, Џеј Ло избра сексапилни костими, а повеќето од нив доаѓаат од модната куќа Версаче.
Музичката ѕвезда го отвори шоуто со зелена креација со принт палма, која е нова верзија на прочуениот фустан кој таа го носеше на Греми во 2000 година.
Лево: Лопез на Греми 2000 година. Десно: Лопез синоќа во Бронкс
Танцувајќи енергично со група полуразголени танчари, Џенифер ја заведуваше публиката и со бела комбинација со кратки тесни панталони со висок струк и впечатлив колан во форма на златна безопасна.
За делот од шоуто посветен на баладите, Џенифер носеше мастилесто син фустан со качулка од актуелната колекција висока мода на Версаче, пролет/лето 2014.
Пред крајот на концертот, Џенифер се појави во гламурозно спортско издание. Црвената креација била рачно изработена од ателјето Версаче и декорирана со кристали.
Откако беше вратена на бис, Лопез запеа на сцената во колоритно боди Versus Versace и јакна бомбер со златни детали која била специјално изработена за неа.
Меѓу бројната публика на концертот се забавувале и мајката и сестрата на Лопез, Гвадалупе и Линда.
