Џенифер Лопез и малата ќерка Еми шармираа во Њујорк во складни розови модни комбинации.
Облечена во романтична креација од Зухаир Мурад, 44-годишната актерка и пејачка се смешкаше пред папараците, држејќи ја цврсто за раката 6-годишната ќерка. Усогласените розови креации со пеплум и цветни детали привлекуваа погледи кон модерното дуо.
Лопез и Еми беа фотографирани додека се упатуваа на настан организиран од LULAC (League of United Latin American Citizens). Ним им се придружи и сестрата на Лопез, Линда.
На настанот Џенифер одржа мотивациски говор, пред да ја покани на бината првата дама на САД, Мишел Обама. Средбата со Обама беше овековечена со селфи кое Лопез го објави на Instagram.
