Иако често е критикувана затоа што носи природно крзно, Џенифер Лопез не се откажува од крзнените креации.
Славната пејачка беше фотографирана во Вест Холивуд во модерно издание кое вклучуваше крзнен долг елек, тесни фармерки, бежова чанта од Валентино и обувки со реси од Кристијан Лобутин.
Според странските медиуми, 47-годишната ѕвезда се упатувала на состанок со Дрејк во ресторанот „Catch LA“.
По објавувањето на фотографиите, започна бран критики за Лопез. Многумина ја нарекоа со силни зборови како „убиец“ поради нејзината љубов кон крзното.
Вчера, Лопез објави фотографија на Instagram за да го најави своето ново шоу за танцување „World of Dance“. На неа, музичката ѕвезда позира во црвена креација од Валентино.
