Дејвид Бекам претстави дел од својата нова колекција за „H&M“. Англискиот фудбалер на својот профил на Facebook ги објави фотографиите од кампањата за божиќната колекција која тој ја дизајнираше за познатиот шведски бренд.
Соработката на Бекам со „H&M“ се покажа како доста успешна, а 37-годишнииот фудбалер вели дека му било задоволство да учествува во дизајнирањето на машката колекција. „Напорната работа го донесе успехот кој го очекувавме“ – вели Бекам.
„Создадовме нешто што веруваме дека мажите ќе сакаат да го носат, а жените ќе сакаат да го гледаат својот маж облечен во тоа“ – дополни тој.
Фотографиите на Дејвид беа одлично прифатени од неговите фанови и секоја фотографија има околу 150.000 лајкови.