Дејвид Бекам непрекинато дизајнира машки колекции за „H&M“, но рекламните кампањи се вистинска мамка за жените.
На новите црно-бели фотографии, 39-годишниот поранешен фудбалер носи облека од својата колекција есен 2014 за шведскиот бренд.
Основните принципи на есенската колекција се комфорт и функционалност. „Во облеката од мојата нова колекција Bodywear за H&M се чувствува вистинска енергија. Искрено уживам во креативниот процес со H&M, овој пат се забавувавме играјќи си со бои и текстура. Се надевам дека на луѓето ќе им се допадне исто колку што ми се допаѓа мене“ – изјавил Бекам.
