Дауцен Крус е една од манекенките кои позираа со своите најмили за иницијативата „Born Free“.
Повеќе модни куќи, како Прада, Версаче, Викторија Бекам, Вера Ванг и Каролина Ерера, се согласија да создадат креации кои ќе бидат продавани со цел собирање на средства за постигнување на амбициозна цел – ставање крај на пренесувањето на ХИВ од мајки на деца до 2015 година.
Дауцен позираше со својот сладок син Филен, кој не можеше да ја сокрие насмевката на лицето. 29-годишната манекенка во моментов е бремена и со второто дете.
Покрај убавиот ангел на Victoria’s Secret, во кампањата е вклучена и Саша Пивоварова со својата ќеркичка Миа и Каролина Куркова со синот Тобин.
