Ева Мендес и Рајан Гослинг пред еден месец станаа родители на ќерка која го доби името Есмералда Амада, а сега 40-годишната актерка ја претстави својата трета модна колекција за New York & Company.
Мендес не го менува правецот во кој започна да се движи како дизајнерка – креирање на елегантна облека за дамите кои сакаат префинет деловен изглед преку ден и софистициран изглед за вечерни пригоди.
Луксузните нијанси на бургундец преовладуваат во колекцијата, но исто така застапени се црната, белата и розовата боја. Класични здолништа и панталони, фустани и кошули со ретро цветен принт, модерни сакоа и комбинезони и кариран костум ја сочинуваат колекцијата есен/зима 2014. За првпат Ева во својата колекција вклучи чанти.
Промотивните фотографии со Ева најверојатно се направени или во раната бременост или пред бременоста.
