По долги години пауза, повторно ќе имаме наша претставничка на изборот за Мис на светот.
Чарна Невзати беше избрана да ја претставува нашата земја на манифестацијата која годинава ќе се одржи во Телангана, Индија.
„Чест ми е што ќе ја претставувам мојата земја на изборот на Мис на светот 2025 година во Телангана, Индија од 7 до 31 мај 2025 година – Убавина со цел. Вистински ја ценам оваа можност што ми ја даде организацијата Мис Северна Македонија да ја претставам прекрасната култура и наследство на Северна Македонија на глобалната сцена“ – напиша Чарна.
20-годишната студентка на правен факултет сподели фотографии на својот профил на Instagram на кои се подготвува за големиот настан.
Ова ќе биде 72-ро издание на Мис на светот, а ќе се одржува од 7 до 31 мај.
Фотографии: Чарна Невзати / Instagram