Ешли Грем ја продлабочи соработката со Swimsuits For All. Најпознатиот модел со облини ја создаде својата петта колекција костими за капење за брендот.
32-годишната Американка, која е бремена со првото дете, го разголи трудничкото стомаче во колоритните костими за капење со нејзин потпис.
„Снимањето на оваа кампања за време на бременоста беше навистина моќно. Јас сум искрена и ги споделувам чувствата за менувањето на моето тело во текот на бременоста. Па така, оваа фотосесија ја разгори мојата самодоверба и потврди дека нашите стомачиња се убави. Треба да ги славиме нашите тела во сите фази од нашите животи“ – изјавила Грем.
„Во бременоста моето тело се промени многу и во почетокот не беше секогаш лесно да ги прифатам тие промени. Покачив 22 килограми, но се чувствувам одлично, здраво и среќно и тоа е најважно од сè“ – додала таа.
