Блејк Лајвли умее да се претвори во магнет за погледи и фото-објективи. Популарната актерка блесна на отворањето на Канскиот филмски фестивал.
На премиерата на својот нов филм „Cafe Society“, 28-годишната ѕвезда се појави во тесна креација која го истакна нејзиното мало трудничко стомаче. Впечатливиот фустан доаѓа од модната куќа Версаче, а Блејк го надополни со сандали од Кристијан Лобутин.
На црвениот тепих Лајвли беше во придружба на нејзините колеги од „Cafe Society“, Кристен Стјуарт, Џеси Ајзенберг и Кори Стол, како и режисерот Вуди Ален.
Кристен позираше пред многуте фоторепортери во комбинација со потпис на Шанел.
