Бијонсе беше една од ѕвездите кои дефинитивно го грабнаа вниманието на вчерашната гала вечер во музејот на уметноста „Метрополитен“ во Њујорк.
30-годишната пејачка со став на вистинска дива носеше драматичен фустан на Живанши од колекцијата висока мода. Веднаш по нејзиното појавување на црвениот тепих, сите објективи на фоторепортерите беа насочени кон неа и проѕирниот фустан кој ги оцртуваше нејзините облини.
Долгиот фустан беше завршен со пердуви кои постепено од црни преминуваа во виолетови. Поради богатиот изглед на фустанот, Бијонсе носеше минимален накит, а косата ја имаше собрано во ниско елегантно коњско опавче.
Гламурозниот фустан си го направи своето и Бијонсе заврши на сите листи за најдобро облечени дами на најголемата фешн вечер на годината.
