Бијонсе ја краси насловната страница на списанието „Out“. Со изглед кој потсетува на Мерилин Монро, музичката ѕвезда позираше пред објективот на фотографите Сантијаго и Маврицио Сиера.
Во интервјуто за списанието, 32-годишната пејачка зборувала за сексуалната слобода и за последниот албум.
„Има двојни стандарди кога станува збор за сексуалноста кои сѐ уште постојат. Мажите се слободни, а жените не се. Тоа е лудо. Старите лекции за потчинетост и кревкост нѐ направија жртви. Жените се многу повеќе од тоа. Можеш да бидеш бизнисменка, мајка, артистка и феминистка – што и да посакаш да бидеш – а сепак да бидеш сексуална. Тие заемно не се исклучуваат“ – рекла таа.
„Сите сме исти и сите сакаме исти нешта: правото да бидеме среќни, да бидеме она што сакаме да бидеме и да го љубиме оној што сакаме да го љубиме“ – дополнила музичката ѕвезда.
За новиот визуелен албум, кој беше вистински хит, Бијонсе коментирала: „Дисциплина, трпение, контрола, искреност, ризик и безгрижност беа нештата на кои мислев додека го подготвував овој албум... Снимав песни, снимав видеа и настапував секоја ноќ во рамките на турнејата, сето тоа во исто време. Во еден момент си реков: Што правам? Дали ова е преамбициозно? Дури и на денот кога беше објавен албумот, јас бев уплашена. Но знаев дека ако сум толку уплашена, ќе се случи нешто големо.“
