Бијонсе го прослави големиот успех кој го постигна со новиот албум. Откако беше објавено дека од албумот „Beyoncé“ се продадени над еден милион примерока, музичката ѕвезда присуствуваше на забава по повод објавувањето на своето ново музичко дело.
На свечениот настан во Њујорк, 32-годишната пејачка се појави облечена од глава до пети во креации на Том Форд. Краткиот фустан и високите чизми кои изгледаа како да се направени од искршено стакло ѝ помогнаа на Бијонсе да го потенцира својот сексапил.
Насобраните обожаватели имаа можност да се сретнат со Бијонсе пред таа да се упати на прикажувањето на своите нови музички видеа кои се вклучени во визуелниот албум.
