Доминацијата на силуетата на сирена во новата колекција на Pronovias придонесува повеќето креации да изгледаат неверојатно женствено и елегантно. Шпанскиот бренд очекувано ги придоби женските срца со вечерни и коктел фустани од колекцијата 2015.
Нежните материјали ја акцентираат убавината на женското тело, а блескавите декорации ги претвораат фустаните во вистински „накит за облекување“. Боите кои потсетуваат на скапоцени камења само ја потенцираат луксузноста на колекцијата.
Минималните проѕирни панели и префинетата чипка додаваат кон колекцијата суптилен сексапил.
