Фотографии од бебенце, родено со необичен белег на челото, го обиколија светот. Малото момче од Турција привлече огромно внимание бидејќи белегот е во форма на срце.
„Откако сестрата ја исчисти крвта од главата јас бев првиот кој го виде белегот на неговото чело. Бев навистина изненаден. Кога се приближив до неговото главче сфатив дека е прекрасно срце. Ми беше тешко да ги задржам солзите“ – изјавил таткото Мурат.
Луѓето го нарекуваат малиот Чинар Енгин „Love Baby“ или „Бебе Љубов“. Детенцето сега има 14 месеци.
„Беше како дар од Бога. Кога се шетаме, сите луѓе ни се насмевнуваат и го обожаваат“ - рекла мајката.
