Бебе коала, кое не ја напушти мајка си за време на итна операција, им го стопли срцето на вработените во зоолошка градина во Австралија, а потоа го освои вниманието на светот. Коалите биле жртви во сообраќајна несреќа, но додека 6-месечниот Фантом се извлекол без повреди, мајка му Лизи морало да биде оперирана.
На фотографиите, Фантом ја гушка мајка си, укажувајќи ѝ дека тој е добро и дека е покрај неа.
По несреќата, која се случила во Квинсленд, Лизи веднаш била одведена во болница поради колапс на белите дробови и итно била оперирана. Но, таа во ниту еден момент не останала сама. Синчето Фантом постојано било до неа, давајќи ѝ ја најголемата поддршка која една мајка може да ја добие.
Состојбата на Лизи е стабилна и таа се опоравува со антибиотици и многу љубов од малиот Фантом.