Ревиите на Жан Пол Готје им се омилени на оние кои се желни за драма. Театралните колекции кои кријат одредена доза провокативност и ексцентричност се препознатливи за неговиот дизајнерски стил.
Новата колекција висока мода на Гојте не ја разочара неговата верна публика, но од друга страна доби мешани критики. Додека некои ја пофалија неговата доследност и креативност, други ја опишаа колекцијата како хаотична.
Минатата година музата на Готје беше Ејми Вајнхаус, а оваа година во таа улога влезе рокерот Пит Доерти, кој долги годни се бореше со својата зависност од дрога.
Колекцијата претставена за време на Париската недела на високата мода беше исполнета со блесок, крзна, проѕирни материјали. За огромна радост на публиката, монотонијата на црното често беше разбивана со експлозија од бои, интензивирајќи го впечатокот.
Андреј Пејиќ стана редовен учесник на ревиите на Готје. Откако минатата година крена прашина бидејќи беше „невестата“ на ревијата, оваа година Пејиќ повторно дефилираше во женска облека. Како вистинска дива Пејиќ ги носеше провидните креации додека присутните му се восхитуваа за уникатната убавина.
Андреј Пејиќ
