Андреј Пејиќ е првиот маж кој се најде на насловната страница на „Elle“ Србија. Миленикот на Жан Пол Готје позираше за корицата на списанието во облека испратена специјално од познатиот дизајнер.
„Маж или жена? Неговото појавување во светот на модата е револуционерно. Ниеден маж не чекори во штикли подобро од него. Тој е Андреј Пејиќ“ – ова е воведот на статијата посветена на мажот кој во женска облека ги освојува дизајнерите и модните фанатици.
21-годишната модна ѕвезда, која може лесно да ве измами во однос на полот со привлечните црти на лицето, за провокативната фотосесија застана пред објективот на Душан Релјин.
