Анџелина Џоли активно го промовира своето ново филмско дело, па многу светски списанија ја поканија за фотосесии и интервјуа. 39-годишната холивудска ѕвезда ги краси новите изданија на „Du Jour“ и „Variety“.
За зимското издание на „Du Jour“, Џоли позираше заедно со Џек О’Конел пред објективот на италијанскиот фотограф Франческо Кароцини.
Во интервјуто, Џоли раскажала како дошла до идејата за филмот „Unbroken“ и како се борела да ја донесе приказната за Луи Замперини на големиот екран. „Режирањето е многу поразлично од актерството, затоа што ти одзема многу повеќе од две години од животот... При секоја посета на студиото, ти даваат проекти. Ги видов тие четири реченици за „Unbroken“. Се вратив дома и му реков на Бред: Навистина сум љубопитна за овој филм, тој е за триумфот на човечкиот дух, за пронаоѓање на вера и опростување, а животот на овој маж изгледа многу интересен. А Бред ми врати: Ох драга, тој проект се врти таму со години. Се борев за него со месеци. Чувствував дека тргнувањето на тоа патување ќе ме направи подобар човек. Молев не само да бидам режисер, туку молев и да имам можност две години од животот да се фокусирам на Луи Замперини“ – рекла таа.
Џек О’Конел ја има главната улога во филмот кој се очекува да биде вистински хит.
Анџелина признала и дека е многу посреќна како режисерка отколку како актерка. „Никогаш не сум се чувствувала пријатно како актерка, никогаш не ми се допаѓало да бидам пред камера. Не мислев ниту дека можам да режирам, но се надевам дека ќе можам да направам кариера во тој правец, бидејќи сум многу посреќна“ – изјавила таа. На прашањето дали планира целосно да се откаже од актерството, таа одговорила: „Апсолутно.“
За „Variety“ Џоли позирала со О’Конел и јапонскиот рокер Мијави, кој во филмот ја има улогата на безмилосен јапонски војник.
Во интервјуто за списанието, Џоли низ солзи зборувала за Замперини, кој почина пред само неколку месеци. „Велат дека никогаш не треба да ги запознаеш своите херои, бидејќи тие често знаат да те разочараат. Но, Луи навистина беше еден од најголемите луѓе кои постоеле“ – рекла таа.
