Анџелина Џоли беше беспрекорно елегантна на црвениот тепих на вечерашната премиера на „Unbroken“ во Лондон. Харизматичната режисерка покажа дека убавината се крие во едноставноста, избирајќи дамска креација од британската модна куќа Ralph & Russo.
Белиот фустан тип „молив“ беше надополнет со болеро наметка од колекцијата висока мода за сезоната пролет/лето 2014.
Пред многубројните фоторепортери Џоли позираше со припадници на британската армија, како и со поранешни воени лица од пензионерскиот дом Royal Hospital Chelsea.
На црвениот тепих со Џоли позираше и главниот актер од „Unbroken“, Џек О’Конел.
