Кој би рекол дека Алесандра Амбросио го роди своето второ дете пред само два месеца? Среќната манекенка изгледаше одлично додека си играше на плажа со својата уште посреќна 3-годишна ќерка.
Познатиот ангел на Victoria’s Secret ужива на семејниот одмор во Малибу. „Добро утро Малибу! Сонцето сјае!“ – со оваа порака ги поздрави таа своите следбеници на Twitter.
Целото внимание на Алесандра беше насочено кон малата Ања.
31-годишната долгонога убавица е на одмор со својот свршеник Џејми Мазур и нивниот мал син Ноа Феникс, кој се роди на 7 мај.
На Алесандра и по втората бременост не ѝ требаше многу време за да се врати во топ форма. По првата бременост таа се врати на модната ревија на Victoria’s Secret само три месеца по породувањето.