Адријана Лима убедливо ги освојува уредниците на „Вог“ низ светот. Откако во изминативе месеци ги красеше страниците на шпанското, турското и италијанското издание на „Вог“, а беше вклучена и во едиторијал на американскиот „Вог“, 33-годишната убавица се најде на корицата на септемврискиот број на „Вог“ Бразил.
За корицата Лима позираше во проѕирен мантил од Miu Miu.
Германската фотографка Елен фон Унверт беше задолжена за едиторијалот кој носи ретро вибрации. Лима го трансформираше својот изглед со помош на неколку кратки перики за фотосесијата која вклучува креации од новите колекции на Гучи, Долче и Габана и Шанел.
