Адријана Лима и Кендис Сванапул допатуваа во Лондон за официјално да објават дека екстравагантното шоу на Victoria’s Secret оваа година ќе се одржи токму во британската метропола.
Атрактивните ангели со својот сексапил ги привлекуваа објективите на љубопитните фото-репортери. За промотивниот настан одржан во бутикот на VS, Адријана го истакна своето деколте со црвен краток фустан од есенската колекција на Метју Вилијамсон и црвени обувки од Џузепе Ѕаноти.
Кендис пак, заведуваше во бел фустан од Ролан Муре и елегантни сандали од Кристијан Лобутин.
„Шоуто на Victoria’s Secret е најголемото модно шоу во светот. Па, ќе биде прекрасно да го донесеме во Лондон. Ми се допаѓа овде. Особено шопингот!“ – рекла Лима.
