Адријана Лима изгледа како вистинска егзотична убавица на фотографиите за новата рекламна кампања на Дона Каран. 32-годишната манекенка ја обнови соработката со познатата дизајнерка за сезоната пролет/лето 2014.
Лима носи креации од урбаната колекција на Каран кои се инспирирани од марами. Релаксираните силуети се надополнети со кожени ремени и дрвен накит кој им дава посебен шмек. Зашеметувачката палета вклучува прекрасни сини нијанси инспирирани од големите води и небото, како и земјени нијанси.
Фотографиите се дело на Расел Џејмс, а биле направени на различни локации на Хаити. Покрај Лима позира шпанскиот модел Андрес Сегура.
