19-годишната ќерка на Мадона стана модел. Лурдс Марија Чикони Лион, позната како Лола, ја сними својата прва модна кампања за новиот парфем „Pop“ на британската дизајнерка Стела Мекартни.
„Среќни сме што ја имаме Лола во нашиот „POP“ тим. Лола, која ја знам целиот нејзин живот, е на почетокот на својата кариера како артист. Таа е независна и инспиративна млада девојка со слободен дух. И покрај тоа што е родена во центарот на вниманието, таа ги чува своите нозе цврсто приземјени“ – пишува Мекартни на Instagram во описот на фотографија од Лола.
Модниот фотограф Глен Лачфорд бил задолжен за снимањето на кампањата.
Ова не е прво искуство на Лола во светот на модата. Таа и нејзината славна мајка пред неколку години го основаа модниот бренд „Material Girl“.