Германската канцеларка Ангела Меркел е прогласена за најмоќна жена на светот за 2014 година од страна на списанието „Forbes“. Тоа не е изненадување ако се земе предвид фактот дека на претходните 11 листи, германската политичарка се појавува десет пати, а девет пати е на самиот врв.
На второто место на листата се наоѓа Џенет Јелен, претседателката на Управата на федералните резерви на САД, додека третото место ѝ припадна на сопругата на Бил Гејтс, Мелинда Гејтс.
Претседателката на Бразил, Дилма Русеф, е на четвртото место, а зад неа е директорката на ММФ, Кристин Лагард.
Поранешниот државен секретар на САД, Хилари Клинтон, е на шестото место, додека на седмото место е директорката на General Motors, Мери Бара.
Првата дама на САД, Мишел Обама, е осма по ред на листата.
Од славните дами од шоу-бизнисот, Бијонсе и Опра Винфри влегоа во топ 20. Опра застана на 14. место, а Бијонсе на 17. место.
На листата се и Софија Вергара (32. место), Ана Винтур, главната уредничка на „Вог“ (39. место), Елен Деџенерис (46. место), Анџелина Џоли (50. место), Шакира (58. место) и Лејди Гага (67. место).
Рангирањето на најмоќните жени било извршено според влијанието кое го имаат, сумата пари кои ја заработиле или ја контролираат и присуството во медиумите.