Можеби нема да ви се верува, но Клаудија Мароњо неодамна зачекори во шестата деценија од својот живот, а изгледа години помладо. Instagram ѕвездата секојдневно инспирира илјадници лица да живеат здраво, исполнето и балансирано.
На својот 50-ти роденден, атрактивната фитнес зависничка сподели важни совети за жените кои сакаат да го достигнат нејзиниот изглед. Позната по својот позитивен пристап кон здравиот начин на живот, Клаудија потсетува дека грижата за себе не завршува со годините, напротив, станува сè поважна.
„Животот е предизвик, а јас обожавам да се предизвикувам себеси“ – пишува таа на својот Instagram профил.
Еве ги советите на Клаудија за сите жени:
Совети за да изгледаш вака на 50 години:
- Движи се секој ден.
- Опкружи се со луѓе кои те инспирираат.
- Ослободи се од сè што повеќе не ти користи.
- Дај му приоритет на времето за себе и на работите кои навистина ги сакаш.
- Вежбај за сила, не само кардио.
- Уживај во процесот, не само во резултатот.
- Излегувај и шетај на сонце секој ден.
- Направи ги приоритет мобилноста и флексибилноста.
- Биди благодарна за секоја животна фаза.
- Сподели го твојот напредок.
Тренингот за Клаудија е дел од нејзиниот начин на живот. Таа не само што тренира со тегови во фитнес сала, туку и редовно трча и пешачи во природа.
„За мене, фитнесот е многу повеќе од само вежбање. Тоа е будење секое утро со цел, предизвикување на самата себе да верувам дека секогаш можам повеќе и прифаќање на секој чекор со благодарност. Најубавото нешто е да се види како на овој пат се создаваат врски кои нè менуваат – пријатели кои стануваат семејство, моменти кои стануваат спомени и постојан потсетник дека кога ќе одлучиш да веруваш во себе, сè се менува“ – пишува таа.
