Битола е обземена од филмската магија. Синоќа беше отворен филмскиот фестивал „Браќа Манаки“ со бројни филмски уметници и љубители на седмата уметност.
„Ткајачи на филм“ е мотото кое ја обојува 47-мата фестивалска приказна, а на црвениот тепих се исткаија и нејзините први модни кадри. Свеченото отворање донесе галерија од различни силуети и стилски потписи.
Модната слика се движеше од ненаметлива софистицираност до нагласена вечерна драматика. Некои изданија привлекуваа со својата чистота и минимализам, други со смели пропорции и театрални акценти, создавајќи разновидна модна слика пред почетокот на фестивалската програма. Црната боја ја покажа својата безвременска моќ, впечатливите модни додатоци внесоа драматика, а префинетите кроеви му дадоа визуелна динамика на вечерното дефиле.
Црвениот тепих стана своевидна увертира во вечерта составена од мода и моменти создадени за објективот.
По свеченото дефиле на црвениот тепих, вниманието се пресели во кино-салата. Фестивалот беше отворен со македонската премиера на „Скејтањето не е за девојчиња“ на Дина Дума.
Фото: Ивона Кочов, Александар Василевски / Femina.mk