„Фамилија“: Енрике Иглесијас сподели слатка фотографија од Ана Курникова и нивните четири деца
Енрике Иглесијас ужива во семејниот живот, кој со Ана Курникова се обидува да го чува што подалеку од љубопитните очи на јавноста. Сепак, тој одвреме-навреме им дозволува на фановите да ѕирнат во него преку неговите Instagram „приказни“.
50-годишниот пејач сподели нова фотографија од четирите деца направена на јахта. На неа, 44-годишната поранешна тенисерка ги фотографира слатките близначиња Луси и Николас, малата Мери и бебенцето кое се роди на 17 декември минатата година.
„Фамилија“ – напиша Енрике.
Првата фотографија од четирите деца, парот ја сподели за Божиќ.
Курникова и Иглесијас се заедно од 2001 година. Нивната врска започна две години пред таа да се повлече од тенисот.
Иако се едни од најпознатите парови, Енрике и Ана со години внимателно ја чуваат нивната приватност. Тие ретко споделуваат детали за домот и семејството, а извори блиски до нив истакнуваат дека тие најмногу време посветуваат токму на родителството и животот далеку од јавноста.
