Доколку не се случеше кобната несреќа во „Пулс“, Владимир Блажев – Панчо од ДНК денес ќе го прославуваше својот 47-ми роденден.
Многу негови пријатели денес со емоции се сеќаваат на заедничките моменти и споделуваат пораки на социјалните мрежи.
Перо Антиќ објави заедничка фотографија и напиша: „Фалиш Џеџуле“.
Христијан Тасковски-Таско со емоции напиша: „Среќен роденден П. Ќе недостигаш секогаш“.
„Среќен роденден стари ❤️Фалиш...“ – пишуваат од екипата на Sure Shotz.
Тамара Тодевска ја сподели фотографијата на Sure Shotz, заедно со скршено срце.
Панчо речиси седум месеци се лекуваше во болница по трагичниот пожар во дискотеката во Кочани, но за жал, почина како последица на повредите.
Во пожарот во Кочани згаснаа животите на речиси сите членови на ДНК - пејачите Панчо и Андреј, клавијатуристот Филип Стевановски, гитаристот Александар Коларов, тапанарот Ѓорги Ѓоргиев, придружниот вокал Сара Пројковска, бит-боксерот Мартин Атанасовски (Буцо), тонецот Игор Велков и фотографот Александар Ефремов.
