„Фала ти Господе и женче мое најубо“: Виктор Апостоловски стана татко, бебенцето доби библиско име

Виктор Апстоловски и неговата сопруга Милена станаа родители.

Македонскиот пејач сподели видео од битолската болница „Плодност“ во кое ја објави убавата вест. Виктор откри дека бебенцето е момче и дека ќе носи библиско име – Адам.

„Дали знаете кој дојде? Дојде првиот маж во Апостоловци.... Ќе го викаме Адам ако некој се прашуваше. И овој овде стана татко“ – вели тој во видеото, додека во описот стои: „Фала ти Господе! И фала ти женче мое најубо. Ве љубам!“

Виктор ја запроси Милена во јануари 2023 година, а стапија во брак во јуни. Во октомври оваа година, тие со фотографии открија дека ќе станат родители.

ФОТО: Instagram / Viktor Apostolovski (VA)