Со години над милијарда корисници на популарната социјална мрежа Facebook активно го користат копчето „Like“ (ми се допаѓа), а исто толку време многумина бараа копче „не ми се допаѓа“.
Марк Цукерберг објави дека конечно Facebook воведува копче „Dislike“. „Луѓето со години бараа копче dislike. Денес е специјален ден, бидејќи денес е денот кога можам да речам дека работиме на тоа“ – рече Марк и дополни дека наскоро ќе биде тестирана новата опција.
Сè уште не се објавени многу детали. Според Марк, копчето нема да може да се користи за да „гласате“ негативно на одредена објава од пријателите, бидејќи никој не би сакал да види дека некој му притиснал „не ми се допаѓа“ кога си споделува важна вест. Наместо тоа, целта на Facebook е да се имплементира копчето како алатка за луѓето да изразуваат емпатија, како во моментите кога пријател ќе сподели жална вест.
