Ева Мендес присуствуваше на настанот „Create and Cultivate“ во Лос Анџелес.
Славната актерка и дизајнерка, која наскоро ќе наполни 46 години, изгледаше шармантно во креација од својата нова колекција.
Во интервју, таа беше запрашана зошто ѝ возврати на жена која на социјалните мрежи коментираше дека таа старее.
„Не мислам дека тоа беше злонамерен коментар, но тоа е уште поопасно, бидејќи во нашето општество е длабоко проникнато дека стареењето е нешто од кое треба да се плашиме или да се срамиме.“
„Мислам дека целата онаа работа да не се прашува жената за нејзината возраст е старовремска. Можете да ме прашате колку години имам и јас со задоволство ќе ви кажам, но ќе бидам на некој начин шокирана. Наскоро ќе наполнам 46 години и на некој начин тоа ме шокира. Но, се гордеам со тоа.“
„Сакав да ѝ возвратам на таа личност. Сакав да ѝ покажам дека тоа го сфаќам како комплимент, бидејќи сум сè уште тука“ – рече Ева.
Имено, Мендес не можела да премолчи кога Нина Вотсон искоментирала на нејзина фотографија „Таа старее“.
„Во право си. Фала му на Бога што стареам. Тоа значи дека сè уште сум тука. Наскоро ќе наполнам 46 години и секој ден сум благодарна што стареам. Твојот коментар требаше да направи да се чувствувам лошо? Не направи да се чувствувам лошо. Се чувствувам благодарна. Па, фала ти што ме потсети дека сè уште сум тука“ - возврати Ева.
На настанот присуствуваа и други славни личности како Џесика Алба и Лорен Конрад.
