Ева Лонгорија го засили блесокот на Канскиот филмски фестивал.
47-годишната актерка присуствуваше на отворањето на 75-тото издание на манифестацијата во улога на амбасадор на L’Oreal, кој е еден од главните спонзори на фестивалот.
На црвениот тепих, ѕвездата од „Очајни домаќинки“ зачекори во црн проѕирен фустан со карнери од Алберта Ферети и со накит од Шопард.
Вечерва е премиерата на зомби комедијата „Final Cut (Coupez!)“.
Лонгорија пленеше на француската ривиера и во уште една супер модерна комбинација. Ведриот костум во портокалова боја е дело на Џузепе ди Морабито додека сребрениот корсет е креиран од Кристина Отавиано.
