Ерик Дејн беше фотографиран во инвалидска количка неколку месеци откако јавно објави дека боледува од амиотрофична латерална склероза (АЛС).
52-годишниот актер, кој е најпознат по улогата на д-р Марк Слоун во „Grey’s Anatomy“ (Вовед во анатомија), пристигнуваше на аеродромот во Вашингтон користејќи моторизирана инвалидска количка, што предизвика големо внимание кај јавноста. Фотографиите ексклузивно ги споделија од Daily Mail.
Ерик се сретна со конгресменот Ерик Свалвел за да разговараат за итната потреба за напредок во борбата против АЛС.
„Имам две ќерки дома. Сакам да ги видам, знаеш, како дипломираат, стапуваат во брак и можеби ќе ми родат внуци. Сакам да бидам тука за сето тоа. Ќе се борам до последниот здив за ова“ – рекол тој.
Во април 2025 година, Дејн потврди дека му е дијагностицирана АЛС и побара приватност за себе и своето семејство. Неодамна, тој сподели дека десната рака веќе целосно престанала да му функционира, а левата е во процес на слабеење.
Амиотрофична латерална склероза е прогресивно невродегенеративно заболување кое води до постепена губење на мускулната функција.