Енис Барди и неговата сопруга Фестина станаа родители.
30-годишниот капитен на македонската фудбалска репрезентација доби ќерка и ги сподели првите фотографии со неа. Бебенцето се роди во Турција, а убавата вест ја споделија од неговиот клуб Коњаспор кои први му честитаа на нашиот фудбалер.
Девојчето го доби името Аја.
„Нашиот фудбалер Енис Барди и неговата сопруга Фестина добија ќеркичка, која ја крстија Аја. Му честитаме на семејството Барди и ѝ посакуваме на малата Аја среќен и здрав живот“ – стои во објавата на клубот.
На Instagram story, Барди сподели фотографија на која ја држи Аја во болница.
По раѓањето на ќеркичката Барди пристигна во Македонија. Тој тренираше со репрезентацијата за гостинскиот натпревар во Белгија во квалификациите за Светското првенство.
