Емотивно: Брус Вилис, кој се бори со деменција, ја прегрнува ќерка си пред нејзината свадба

Талула Вилис се омажи за музичарот Џастин Ејси.

Најмалата ќерка на холивудските ѕвезди Брус Вилис и Деми Мур стапи во брак на интимна церемонија во Сан Вели, Ајдахо.

„Вог“ ги објави фотографиите од свадбата на 32-годишната актерка и нејзиниот избраник, а еден момент го привлече вниманието на јавноста – присуството на Брус Вилис кој во последните години целосно се повлече од јавноста поради влошената здравствена состојба.

„Нежен момент со татко ми и Џастин на почетокот на свадбениот викенд“ – стои во описот на фотографијата на која 71-годишниот актер ја прегрнува невестата додека со другата рака го држи нејзиниот сопруг за рака.

Во 2022 година, на Брус му беше дијагностицирана афазија, а во 2023 година неговото семејство откри дека состојбата преминала во фронтотемпорална деменција.

На свадбата присуствуваше и Деми Мур, која заедно со Брус ги има ќерките Румер, Скаут и Талула. На фотографиите од свадбениот викенд, Талула беше фотографирана и со мајка си и сестрите.

Среќната невеста носеше уникатна венчаница од Balenciaga, создадена од креативниот директор Пјерпаоло Пичоли. 

Свадбата се одржа во дворот на семејниот дом во Ајдахо, место кое за Талула и Џастин има посебно значење.

Парот потврди дека се вери во декември 2024 година.