Еминем повторно ќе стане дедо.
52-годишниот рапер следната година ќе добие уште едно внуче од неговата посвоена ќерка Аланиа Скот. Убавата вест ја сподели идната мајка преку социјалните мрежи.
На фотографиите, Аланиа го изненадува својот сопруг Мет Молер со позитивен тест за бременост и со бебешко боди на коешто пишува: „Бебе Молер доаѓа во 2026“.
Во описот на албумот стои:
НАЈДОБРОТО ОД ТЕБЕ + МЕНЕ
Со месеци наназад носам малечко срце во себе, срце кое веќе го промени моето на секој можен начин. Има нешто неописливо кога знаеш дека едно мало животче расте, сонува и се оформува додека ти го живееш својот ден, шепотејќи молитви и надежи кои само тоа може да ги чуе. Никогаш не сум била поблагодарна за овој дар и за можноста да го прошириме нашето семејство, нешто што одамна го сакавме.
Ти благодарам Боже за овој благослов.
Бебе М, со нетрпение очекуваме да те запознаеме, малечко.
Аланиа и Мет стапија во брак во јуни 2023 година.
Алаина е ќерка на сестрата на поранешната сопруга на Еминем, која беше зависничка од дрога и почина во 2016 година.
Во 2004 година, Еминем изјави: „Јас имам целосно старателство над мојата внука. Уште од нејзиното раѓање таа е дел од мојот живот“.