Во семејството на Еминем имаше нов повод за славење. Неговата посвоена ќерка Алаина Мари Скот заплива во брачните води.
30-годишната девојка се омажи со долгогодишниот партнер Мет Молер на церемонија во Детроит. Таа објави фотографии од свадбата на Instagram.
Среќната невеста носеше венчаница од дизајнерката Катерина Бочи.
Алаина е ќерка на сестрата на поранешната сопруга на Еминем, која беше зависничка од дрога и почина во 2016 година.
Во 2004 година, Еминем изјави: „Јас имам целосно старателство над мојата внука. Уште од нејзиното раѓање таа е дел од мојот живот“.
Алаина е многу блиска со биолошката ќерка на Еминем, Хејли Скот, која беше покрај неа на свадбата.
