Ели Сааб е непогрешлив кога станува збор за креирање на женствени и елегантни креации кои заведуваат за секунда. Либанскиот дизајнер ја прикажа најновата колекција и уште еднаш го зацврсти статусот на моден миленик кај дамите.
Колекцијата ресорт 2024 е инспирирана од Марела Анели, италијанска стилска икона наречена и „Последниот лебед“ од страна на Труман Капоти. „За жал, не ја познавав, но го знам нејзиниот внук и многу нејзини блиски луѓе. Таа беше жена со редок стил која остави отпечаток на модата со шик и класа. Отсекогаш сум бил инспириран од нејзината привлечност и нејзиното аристократско држење“ – изјавил Сааб.
Најголем дел од креациите би се нашле во дневната облека на клиентките на Сааб, но тој не пропушти и да им понуди и гламурозни предлози за вечерни прилики.
