Елена Ристеска викендов беше во Битола.
39-годишната пејачка изненади невеста на нејзината свадба и беше позитивно изненадена од атмосферата. За прославата на Ива и Иван, Елена се појави во шармантно издание со црно здолниште и розов топ кој наликуваше на голема панделка.
„Во саботата бев изненадување за невестата на една прекрасна свадба во Битола. Млади и убави и двајцата, имињата им се Ива и Иван, атмосферата беше над очекувањата, се воодушевивме со мојот бенд. Различно, но убаво искуство. Им посакувам вечна љубов и муабетот никогаш да не им недостасува“ – напиша Ристеска на Instagram и сподели фотографии.
Во коментарите невестата Ива ѝ се заблагодари на Елена за прекрасното изненадување.
„Ти благодариме и тебе за прекрасната забава. Си поминавме одлична вечер и изненадени како никогаш досега...“ – напиша таа.
