Елена од „Живот со стил“ со фотографии од посетата на Лувр денови по грабежот на накит вреден 88 милиони евра

Елена Најдоски со сопругот Бојан го посетија Лувр и споделија дел од моментите во Париз.

Македонската водителка од „Живот со стил“ позираше во црно-бела модна комбинација во најголемиот музеј на светот. На една од фотографиите споделени на Instagram, Елена седи покрај својот сакан, додека на другите ги набљудува уметничките дела, меѓу кои и „Мона Лиза“.

„Изгубена во уметноста, пронајдена во Париз. Лувр“ – напиша таа.

Објавата на Елена од Лувр доаѓа само неколку денови по грабежот во музејот кој го шокираше светот. Тој се случи сред бел ден на 19 октомври 2025 година, а беше украден дел од бесценетиот кралски накит на Франција. Се проценува дека украдениот накит бил во вредност од 88 милиони евра, но има непроценлива историска и културна вредност за францускиот народ.