„Поради високите летни температури, не оставајте ги електричните тротинети да се полнат без надзор“ – ова е пораката во описот на видео во кое електричен тротинет се запали сред полнење.
Вознемирувачкото видео беше објавено на Facebook профилот АероДРОМци. Во него, маж се обидува да спречи настанување на пожар откако се запали батеријата на неговиот тротинет.
Еве го видеото заедно со текстот за предупредување:
⚠️ Предупредување за сопствениците на електрични тротинети
Поради високите летни температури, не оставајте ги електричните тротинети да се полнат без надзор, особено во затворени простории, гаражи, ходници или во близина на запаливи материјали.
Литиум-јонските батерии при екстремна топлина и неисправности можат да се прегреат и да предизвикаат пожар. Полнењето вршете го на проветрено место, со оригинален полнач и по можност кога има лице кое може навреме да реагира доколку се забележи прегревање, чад или необичен мирис.
🔥 Една батерија е доволна за да предизвика сериозен пожар. Не ризикувајте – не ги оставајте електричните тротинети да се полнат без надзор.
Еден интернет корисник, во коментарите сподели дека и него му се случило истото.