Миранда Кер и Еван Спигел беа гости на гала на Baby2Baby, организација која цели да им обезбеди на сиромашните семејства производи за хигиена и облека за деца до 12-годишна возраст.
На свеченоста во Калифорнија, 33-годишниот модел и 26-годишниот основач на Snapchat се појавија во елегантно издание.
Поранешниот ангел на Victoria’s Secret изгледаше како модерна принцеза во креација од Рим Акра, обувки од Џанвито Роси и чантичка од Џими Чу, додека нејзиниот сакан носеше класичен црн костум, бела кошула и црна кравата.
Миранда и Еван започнаа да се состануваат минатата година, а во јули оваа година објавија дека се верија.
Пред неколку дена, Кер сподели дека планираат да се венчаат во текот на 2017 година. „Свадбата ќе биде следната година. Со нетрепние ја очекувам“ – изјави таа.
