Елеганција на 75 години: Хелен Мирен изгледа спектакуларно во креација од Долче и Габана на црвениот тепих во Кан
Канскиот филмски фестивал годинава се враќа со целиот свој гламур.
Една од славните гостинки кои оставија најголем впечаток на отворањето на манифестацијата беше Хелен Мирен. На црвениот тепих пред премиерата на филмот „Annette“, 75-годишната оскаровка изгледаше спектакуларно покрај сопругот Тејлор Хекфорд.
Филмската ѕвезда ѝ го довери својот изглед на модната куќа Долче и Габана. За свеченоста таа носеше впечатлива жолта креација, која ја комбинираше со златна чанта.
Хелен и Тејлор се заедно од 1986 година, а стапија во брак на 31 декември 1997 година.
