Мини модно шоу со луксузни креации се одржа на премиерата на „The Devil Wears Prada 2“ во Њујорк.
Ѕвездите од култниот филм се обединија за да го промовираат долгоочекуваното продолжение, а нивниот стилски избор воопшто не разочара.
Мерил Стрип, која ја има улогата на строгата уредничка Миранда Присли, изгледаше како модерна кралица во црвена кожена наметка од Живанши искомбинирана со високи ракавици и очила за сонце.
Ен Хетавеј пленеше во впечатлив корсетиран сатенски фустан од Луј Витон и сандали од истиот бренд.
Емили Блант делуваше како гостинка на кралски бал со волуменозната креација од Скијапарели и бисерен накит од Микимото.
Свеченоста не ја пропушти ниту Стенли Тучи кој во филмот го глуми уметничкиот директор Најџел.
Меѓу многуте гости беа и Лејди Гага, која сними оригинална песна за саундракот на филмот, како и Ана Винтур, која се смета за инспирација зад ликот Миранда Присли.
