Едина Муса со фотографија со бебенцето и тортата им се заблагодари на сите за роденденските честитки

Едина Муса вчера го прослави својот 34-ти роденден.

Поранешната кошаркарка доби бројни роденденски честитки од своите пријатели, а на Instagram Story им се заблагодари на сите што одвоија време за да ѝ посакаат „Среќен роденден“.

Муса сподели фотографија на која го бакнува 5-месечното синче Максим покрај тортата со кошаркарски топки и бројот 10, кој стоеше на нејзиниот дрес додека се натпреваруваше.

„Ви благодарам на сите што одвоивте време да ми го честитате роденденот. Како поминуваат годините, сè повеќе ми значи. Ви посакувам сè што ми посакавте, дупло да ви се врати. Живи и здрави сите“ – напиша таа.

Еве дел од пораките за Едина на социјалните мрежи.

Муса и нејзиниот сопруг Александар Димитровски-Мачка го добија синчето Максим во февруари оваа година.